Hellmut

Es is fei scho a bsonders Gfühl, wennsd dich an eim stink-normaln Wergdoch nein Bus hoggst und auf Erlangen eini fährst. Sonst war des halt immer mei Wech zur Ärbert, aber des mol wars für an Arztbesuch, weil jünger wern mer ja alle ned.
Da denkst dann dran, dass die annern etzatla im Büro rumhänga und sich irgend a komische Stradegie ausdenka tun. Und daa einzige Stradegie is, wia'st nach dem Arztbesuch den nächst besten Bus erwischd, der di widder heimbrengt.
Also kurz und gud, es hat klappt und ansonsten steh I jedn Dach so ummer 7-mer auf und arbeit mei du-du-List ab und da sin noch ganz viel doppicks drauf, die wo noch bearbeitet wer'n wolln.
Als nächstes werd ich mich wohl amal mit dem neia Drupal-7 rumschlagn, weil es da Leit gibt, die wo des nutzn wolln. Und da will ich mich vorher scho selber a weng schlau machn.
Ansonsten fahr i halt immer widder mal mit der DB durchs Land zu meine Gschwister.
So, jetzt hoff' ich, dass ich euer Neugier fürs erste mal gstillt hab und verabschiede mich für heint -
bis dann amal wieder, Euer Unruheständler